Sogndal Skisenter - Hodlekve Slalombacke Sogn og Fjordane Skidort

God morgon! Takk for den strålande veka me har lagt bak oss, og velkomen til ei ny. Den startar på beste vis med to minusgrader, ei sol som lovar å varma utover dagen og fast, fint føre i bakkane våre. Dalalåven og dei to skiheisane i Rindabotn (Toyota-trekket og Holen-trekket) har opningstid 10-16. Her vart nedfartane preppa i går kveld. Langrennstraseen held seg fint frå i går, og vert preppa på ny til klokka 17 i dag. Velkomen til oss! (2023-03-20)

God søndagsmorgon! To minus på gradestokken klokka 8, lite vind, overskya og lett snødriv i lufta. Me kan ikkje lova strålande sol i dag, tvert om skal det yra litt, men bakkane og løypene er nypreppa og har det som skal til for trim, fart og moro. Langrenn (10 km) og fjelløypa til Høgehaug vert preppa i skrivande stund. Alle fem skiheisane våre og Dalalåven har opningstid 10-16 i dag. Parkenme byggjer i Rindabotn er framleis under arbeid, så nokre av elementa er framleis avsperra, men me nærmar oss. Velkomen til ein frisk søndag hjå oss! (2023-03-19)

God morgon! Minus to grader klokka 8 i dag, vindstille og knapt ei sky på himmelen = ein strålande dag! Alle nedfartane våre er nypreppa, 10-kilometeren i langrenn er klar til klokka 10, og så set me kursen mot Høgehaug og fjelløypa. Alle fem skiheisane våre er i drift frå 10-16, og Dalalåven held ope fram til klokka 18. I dag frå me besøk av samarbeidspartneren vår Sognenett, som lovar leik og moro i Toyota-trekket og teltstand saman med Intersport og Head. OBS! Dei 100 første som kjem innom standen til Sognenett får gratis heiskort! Klokka 1130 startar barneskirennet i Toyota-trekket med portkøyring og premie til alle. 1245 er det hoppkonkurranse, også her med premiar. Velkomen til ein kjekk dag hjå oss! (2023-03-18)

God morgon! I natt har me fått kring 35 centimeter turr snø og det skal snøa heile dagen, fram til kring klokka 15 då det sler om til sludd og litt regn. Akkurat no klokka 9 er det to minusgrader og det snøar jamnt. For deg som vurderer å setja spor i bratt terreng: Sjekk varsom.no, det vert meldt «Betydelig snøskredfare» i Sogn i dag og i morgon. Langrenn vert preppa til klokka 10, og me tek truleg ein ny runde til klokka 17. Dalalåven og dei to skiheisane i Rindabotn har opningstid 10-16. Klokka 17-20 er det kveldskøyring i Neumann-trekket og barneheisen under SIL-hytta. Velkomen! (2023-03-17)

God morgon! Ein ny, strålande dag i emning her hjå oss. Sola skin frå skyfri himmel, dei seks minusgradene klokka 9 må snart gje tapt og dei nypreppa nedfartane inviterer til raske svingar. Dei to skiheisane i Rindabotn og Dalalåven har opningstid frå 10-16. Langrenn vart preppa i går ettermiddag, og held seg godt utover dagen. Parken i Rindabotn er under arbeid, og me tek sikte på at den er klar til helga. Torsdagen byr som vanleg på kveldsdsope i Neumann-trekket og barneheisen under SIL-hytta, frå 17-20. Velkomen til ein strålande dag hjå oss! (2023-03-16)

God morgon! Minus åtte hjå oss, strøkne forhold og ei sol som klatrar og lovar ein strålande dag! Fastn og fint føre i bakkar og løyper, toppa med eit ørlite snødryss frå i natt. Dalalåven er open frå 10 til 16, og det same er dei to skiheisane våre i Rindabotn. Her ser du korleis me har det akkurat no, i Rindabotn og på Høgehaug. Velkomen til oss! (2023-03-15)